Deialog yn datrys problemau Big Art yn Aberteifi

Trafodaeth adeiladol oedd canolbwynt cyfarfod diweddar a gynhaliwyd yn Mwldan Creadigol yn Aberteifi er mwyn mynd i’r afael a sawl mater perthnasol i ddyluniad a lleoliad arfaethedig y Big Art Project yn Aberteifi.

Yn ogystal â’r arlunydd dewisedig, Rafael Lozano-Hemmer a churadur Big Art Project, Channel 4, Abertieifi, Wiard Sterk, yn bresennol roedd budd-ddeiliaid, grwpiau rheoleiddio a diddordeb sydd wedi bod ynghlwm o’r prosiect o’r dechrau, oll yn bresennol. Ymysg y grwpiau yma, roedd Pwyllgor Sianeli Mordwyo Afon Teifi, Menter Aberteifi, Cyngor Cefn Gwlad Cymru, Asiantaeth y Môr a Gwylwyr y Glannau, Asiantaeth yr Amgylchedd, Y Siambr Fasnach ac Ymgynghoriad y Dyfrgi.

Roedd y cyfarfod yn gyfle i bawb oedd ynghlwm â’r prosiect i fedru trafod pryderon y trigolion lleol ac i geisio cyngor ac arweiniad ar sut y gall lleoliad arfaethedig Cei’r Tywysog Siarl weithredu’n ymarferol.

Dywedodd Wiard Sterk, curadur Big Art Project, Aberteifi, “Cafodd y cyfarfod ei alw fel ymateb i broblemau a godwyd ynglŷn â’r lleoliad arfaethedig ar gyfer y gosodiad celf gorffenedig. Mae’n bwysig fod cymaint o safbwyntiau ag sy’n bosib yn cael eu clywed, yn enwedig y grwpiau hynny sydd yn meddu ar arbenigedd penodol neu gyfrifoldebau sydd yn berthnasol i’r afon Teifi. Mae’r rhain yn cynnwys safbwyntiau budd-ddeiliaid ac aelodau o’r cyhoedd sydd yn teimlo y bydd safle Cei’r Tywysog Siarl yn profi’n broblem i unrhyw un a geisiai dramwyo’r afon. Ein dyletswydd ni yw tawelu’r pryderon yma, a chanfod atebion ymarferol i unrhyw broblemau a gyflwynir ger ein bron - er mwyn gweithredu prosiect y gall Aberteifi fod yn falch ohono.

“Roedd y trafodaethau’n hynod o adeiladol ac er nad ydym wedi cyrraedd y canlyniad delfrydol eto, hyderaf, gyda chyngor arbenigol, a chefnogaeth adeiladol y gwahanol gyrff a chyfarfodydd cyhoeddus pellach, fe all y lleoliad gwreiddiol brofi’n llwyddiant ysgubol.

“Mae’r Channel 4 Big Art Project yn cynnig cyfle gwych i’r dref ac mae’n bwysig felly nid yn unig y bydd gan Aberteifi osodiad celf neywdd ac arbennig, ond hefyd lleoliad addas fydd yn creu’r argraff mwyaf postitif ar ymwelwyr yn ogystal â thrigolion lleol.

“Cynhelir cyfarfod cyhoeddus pellach yn Aberteifi ar ddiwedd Chwefror, gyda’r dyddiad a’r lleoliad i’w cadarnhau maes o law. Erbyn y cyfarfod, fe fydd drafft diweddaraf y dyluniad wedi ei addasu - a gobeithiaf y bydd cymaint o bobl ag sy’n bosib, boed yn aelodau o grwpiau diddordeb neu’n unigolion, yn cael eu hysgogi i fynychu’r cyfarfod a chlywed beth sydd gennym i’w ddweud, mynegi eu hawgrymiadau a’u pryderon a chydweithio gyda ni i greu gosodiad celf arbennig i dref Aberteifi a gosodiad celf fydd yn plesio pawb.”

Ategodd Rafael Lozano-Hemmer, “Mae ymateb trigolion Aberteifi sydd wedi gweld y prosiect hyd yn hyn wedi bod yn hynod bositif ac edrychaf ymlaen at y cyfarfod cyhoeddus nesaf lle y gallaf gyfarfod mwy o’r trigolion lleol gan fynd i’r afael ag unrhyw bryderon sydd ganddynt ynglŷn â’r prosiect.”

Mae’r Big Art Project yn Aberteifi yn ymgorffori rhan o gynlluniau comisiynu celf gyhoeddus fwyaf a welwyd yn y Deyrnas Unedig erioed. Cafodd ei sefydlu gan Channel 4, ac fe’i cefnogir gan Gyngor Celfyddydau Lloegr, yr asiantaeth genedlaethol ar gyfer datblygu’r celfyddydau a The Art Fund, elusen gelfyddydol fwyaf blaenllaw’r Deyrnas Unedig. Mae Channel 4 wedi comisiynu Carbon Media/ Princess Productions i gynhyrchu cyfres o raglenni yn dilyn cynnydd y broses ar draws y saith safle arfaethedig ledled y Deyrnas Unedig. Fe ddarlledir y rhaglen ddiwedd y flwyddyn hon - ac am fwy o wybodaeth ewch i’r wefan: www.channel4.com/bigart.

Am fwy o wybodaeth cysylltwch â Rhodri Ellis Owen neu Lleucu Cooke yn Cambrensis ar 029 2025 7075.

Aberteifi’n dewis Arlunydd Rhyngwladol o fri!

Mae’r arlunydd byd-enwog, Rafael Lozano-Hemmer, wedi ei ddewis gan gymuned o Gymru er mwyn datblygu gwaith celf gyhoeddus yng Nghei’r Tywysog Siarl, Aberteifi, fel rhan o gyfres deledu Big Art Project i Channel 4.

Mae’r arlunydd amlgyfrwng, sydd o dras o Fecsico a Chanada, ond sydd bellach yn byw yn Montreal ond, yn adnabyddus yn bennaf am ei waith rhyngweithiol, uwch dechnolegol enfawr, gan ddefnyddio goleuadau a chysgodion i ddominyddu gofodau cyhoeddus, weithiau am wythnosau o hyd.

Enwebwr y safle yw Jim Evans, sydd yn gweithio ynghyd a dau aelod o’r bwrdd llywio, Barbara Myers a Paul Oakley. Dywedodd Jim ei fod am weld y gwaith celf newydd yn mynnu lle amlycach i Aberteifi ar y map twristiaeth, gan greu gofod newydd, deniadol ac unigryw yng nghalon Cei’r Tywysog Siarl a rhaglen adfywio’r aber yr afon Teifi. Curadur y comisiwn yw Wiard Sterk, Cyfarwyddwr Gweithredol Public Art Wales.

Ymwelodd Rafael â’r safle a chymuned Big Art Aberteifi, yn ddiweddar ar gyfer rhannu ei syniadau cychwynnol ac i archwilio’r safle’n fanwl, cyn dechrau ar ei waith o gynllunio cynnig manwl ar gyfer gwaith celf newydd ar gyfer y dref fechan, fywiog hon ar arfordir gorllewin Cymru.

Mae cyfres Big Art Project, Channel 4 yn fenter gomisiwn celf gyhoeddus sylweddol iawn. Agorwyd y Big Art Project yn 2005 gyda chais i’r cyhoedd enwebu safleoedd cyhoeddus lle y byddai datblygiad celf gyhoeddus o fydd iddynt. Derbyniodd Channel 4 dros 1400 o enwebiadau - ohonynt hwy fe ddewiswyd saith safle ar draws y Deyrnas Unedig, gan gynnwys Aberteifi. Fe fydd cynnydd a datblygiad y prosiect yn cael ei ffilmio fel cyfres deledu sylweddol i’w ddarlledu yn ystod 2008. Fe fydd yn cynnig portread didwyll o’r meini tramgwydd a fu ar hyd y daith i gyflawni gweithiau celf gyhoeddus newydd.

Public Art Wales

Public Art Wales yw’r asiantaeth newydd a grëwyd drwy gyfuniad Cywaith Cymru - Artwork Wales gyda CBAT yr asiantaeth Gelfyddydau ac Adfywiad. Gyda’i gilydd mae’r ddau wedi creu sefydliad unigryw gyda hanes cyfunol o 25 mlynedd. O’i leoliad yng Nghymru, mae PAW yn gweithio ledled y Deyrnas Unedig a’r byd, gan ddatblygu prosiectau lle mae gan arlunwyr rôl ganolog wrth ffurfio ac adlewyrchu ein hamgylcheddau adeiladol a naturiol. Gyda’i swyddfeydd yng Nghaerdydd a Gogledd Cymru mae’r corff yn cyflogi 15 aelod o staff ac yn derbyn cyllideb sylweddol gan Gyngor y Celfyddydau a Chyngor Sir Caerdydd. Mae gan y corff bortffolio helaeth o brosiectau, gan weithio mewn partneriaeth gyda chleientiaid a chymunedau o fewn y sector breifat a chyhoeddus. Mae prosiectau sydd ar y gweill ar hyn o bryd yn cynnwys Strategaeth Gelf Cyhoeddus sylweddol ar gyfer ardal Blaenau’r Cymoedd, rhaglen gomisiwn gwerth £1.5miliwn ar gyfer datblygiad adwerthol St Davids 2 yng nghanol Caerdydd yn ogystal â chomisiwn i ddatblygu canol dinas Derry.

Am wybodaeth bellach: www.lozano-hemmer.com a www.channel4.com/bigart
Rhodri Ellis-Owen: Cambrensis 029 2025 7075

Big Art o Aberteifi yn cyrraedd y Senedd…
…ac yn barod i siarad busnes

Fel rhan o’r paratoadau cyn croesawu’r arlunydd byd-enwog Rafael Lozano-Hemmer ar gyfer y Prosiect Big Art yn Aberteifi, mae Channel 4 heddiw, dydd Mercher y 27ain o Fehefin yn cynnal digwyddiad gwybodaeth a rhyngweithio ar gyfer busnesau a sefydliadau o Gymru am 5 y prynhawn yn y Senedd, Bae Caerdydd. 

Bu tref Aberteifi yn ddigon ffodus i gael ei ddewis fel un o’r lleoliadau, allan o 1500 cymuned a wnaeth fwrw cais, ar gyfer y Prosiect Big Art gan Channel 4. Fel canlyniad, fe fydd yn cymryd rhan mewn rhaglen ddogfen flaengar yn dangos ardal y Cei yn cael ei drawsnewid i mewn I ofod cyhoeddus trawiadol a chreadigol. Yn ei dro, mae’r prosiect yn edrych am fuddsoddwyr a noddwyr i droi y freuddwyd yn realiti. 

Mae’r digwyddiad yn y Senedd yn gyfle i sefydliadau sydd â diddordeb yn y prosiect gyfarfod y rheiny sydd yn gyfrifol am ddatblygu a gweithredu’r prosiect. Bydd cyfle i ofyn cwestiynau a chasglu gwybodaeth ar sut y gall eu sefydliad hwy gefnogi, dod yn rhan, ac/neu fuddsoddi yn y prosiect. 

Fe ddewisodd trigolion Aberteifi yr arlunydd o Fecsico, sydd bellach wedi ymgartrefu yn Montreal, i drosglwyddo eu breuddwydion i realiti - a hynny yn dilyn cyfweliad drwy gyswllt fideo. Dydy Rafael Lozano-Hemmer ddim wedi gweld y safle sydd wedi ei glustnodi ar lannau’r afon Teifi eto, ac fe fydd yr ymweliad yma’n ei alluogi i gynllunio, cwmpasu ac amcangyfrif cyllideb ar gyfer ei gynigion. Bydd yr ymweliad hefyd yn fan cychwyn i’r ddeialog rhyngddo ef ac aelodau pwyllgor llywio’r Prosiect Big Art yn Aberteifi. 

Mae’r Prosiect Big Art yn fenter unigryw sydd yn cyfuno creu nifer gyfyngedig o weithfeydd celf gyhoeddus eiconig ar draws y Deyrnas Unedig gyda chydweithrediad uniongyrchol y cyhoedd, fydd yn cael ei ffilmio ar gyfer cyfres newydd sylweddol ar gyfer Channel 4, wedi ei ffilmio gan Carbon Media. Y bwriad yw creu etifeddiaeth barhaol yn nhermau’r gweithfeydd celf, ac i ysbrydoli cymunedau lleol a chatalyddu dadl genedlaethol ynghylch effaith celf ar fywydau pobl a’u cymunedau. 

Dywedodd Jim Evans, enwebwr safle Aberteifi, ‘Fe fydd Big Art yn sicr o roi Aberteifi ar y map. Gyda mewnbwn Rafael, rydym am greu rhywbeth, sydd yn ddramatig ac yn cydio’r dychymyg. Rydym yn eithaf parod fod yn feiddgar a dadleugar os oes rhaid. Rydym eisiau gwneud datganiad mawr. 

Ychwanegodd Rafael Lozano-Hemmer, “Mae’n fraint o’r mwyaf I gael gweithio gyda phobl Cymru, ac Aberteifi yn benodol, ar y prosiect cyffroes yma. Rwy’n edrych ymlaen yn fawr i gael ymdeimlad go iawn o’r safle ac i ddysgu am freuddwydion a dyheadau’r bobl leol. Gall gelf chwarae rhan allweddol i adfywio ardal a’i lewyrch yn y dyfodol. Edrychaf ymlaen hefyd at weithio gyda’r pwyllgor llywio er mwyn cynhyrchu gwaith sydd yn deilwng i’r ardal leol, ac yn medru bod o fudd i Aberteifi ac i Gymru gyfan.’ 

Meddai Wiard Sterk, Prif Weithredwr Celf Gyhoeddus Cymru a cheidwad y Prosiect Big Art Aberteifi, “Mae penderfyniad dewr pwyllgor llywio Aberteifi i wahodd Rafael Lozano-Hemmer yn ffurfiol i ddatblygu cynnig ar gyfer y comisiwn yn gam mawr ymlaen i’r Prosiect Big Art yn y dref.  

‘Mae Rafael yn arlunydd mawr iawn ei barch, gydag enw da rhyngwladol. Mae wedi ei gynnwys yn ddiweddar mewn gwyliau sylweddol megis Toronto, Art Basel, a sioe gyfryngol sylweddol newydd yn y MOMA yn Efrog Newydd ac y mae ei enwebiad i gynrychioli Mecsico yn Venice eleni yn sicr o gymorth i ni sicrhau cyhoeddusrwydd cenedlaethol a rhyngwladol i’r prosiect. Fe fydd ei waith yn darparu ymdriniaeth gyfoes, flaengar ac annisgwyl i’r safle yn Aberteifi.’ 

Mae’r prosiect yn cael ei weithredu ar y cyd rhwng y Big Art Trust a Chelf Gyhoeddus Cymru, gyda chefnogaeth Swyddfa Llywodraeth Québec yn Llundain, ynghyd ac ymglymiad gweithredol Pwyllgor Llywio Aberteifi.
Am ragor o wybodaeth cysylltwch â Rhodri Ellis Owen, Cambrensis Communications Cyf. ar 029 20 257075 neu drwy ebost: rhodri@cambrensis.uk.com

Big Art o Aberteifi yn cyrraedd y Senedd … ac yn barod i siarad busnes

Fel rhan o’r paratoadau cyn croesawu’r arlunydd byd-enwog Rafael Lozano-Hemmer ar gyfer y Prosiect Big Art yn Aberteifi, mae Channel 4 heddiw, dydd Mercher y 27ain o Fehefin yn cynnal digwyddiad gwybodaeth a rhyngweithio ar gyfer busnesau a sefydliadau o Gymru am 5 y prynhawn yn y Senedd, Bae Caerdydd.

Bu tref Aberteifi yn ddigon ffodus i gael ei ddewis fel un o’r lleoliadau, allan o 1500 cymuned a wnaeth fwrw cais, ar gyfer y Prosiect Big Art gan Channel 4. Fel canlyniad, fe fydd yn cymryd rhan mewn rhaglen ddogfen flaengar yn dangos ardal y Cei yn cael ei drawsnewid i mewn I ofod cyhoeddus trawiadol a chreadigol. Yn ei dro, mae’r prosiect yn edrych am fuddsoddwyr a noddwyr i droi y freuddwyd yn realiti.

Mae’r digwyddiad yn y Senedd yn gyfle i sefydliadau sydd â diddordeb yn y prosiect gyfarfod y rheiny sydd yn gyfrifol am ddatblygu a gweithredu’r prosiect. Bydd cyfle i ofyn cwestiynau a chasglu gwybodaeth ar sut y gall eu sefydliad hwy gefnogi, dod yn rhan, ac/neu fuddsoddi yn y prosiect.

Fe ddewisodd trigolion Aberteifi yr arlunydd o Fecsico, sydd bellach wedi ymgartrefu yn Montreal, i drosglwyddo eu breuddwydion i realiti - a hynny yn dilyn cyfweliad drwy gyswllt fideo. Dydy Rafael Lozano-Hemmer ddim wedi gweld y safle sydd wedi ei glustnodi ar lannau’r afon Teifi eto, ac fe fydd yr ymweliad yma’n ei alluogi i gynllunio, cwmpasu ac amcangyfrif cyllideb ar gyfer ei gynigion. Bydd yr ymweliad hefyd yn fan cychwyn i’r ddeialog rhyngddo ef ac aelodau pwyllgor llywio’r Prosiect Big Art yn Aberteifi.

Mae’r Prosiect Big Art yn fenter unigryw sydd yn cyfuno creu nifer gyfyngedig o weithfeydd celf gyhoeddus eiconig ar draws y Deyrnas Unedig gyda chydweithrediad uniongyrchol y cyhoedd, fydd yn cael ei ffilmio ar gyfer cyfres newydd sylweddol ar gyfer Channel 4, wedi ei ffilmio gan Carbon Media. Y bwriad yw creu etifeddiaeth barhaol yn nhermau’r gweithfeydd celf, ac i ysbrydoli cymunedau lleol a chatalyddu dadl genedlaethol ynghylch effaith celf ar fywydau pobl a’u cymunedau.

Dywedodd Jim Evans, enwebwr safle Aberteifi, “Fe fydd Big Art yn sicr o roi Aberteifi ar y map. Gyda mewnbwn Rafael, rydym am greu rhywbeth, sydd yn ddramatig ac yn cydio’r dychymyg. Rydym yn eithaf parod fod yn feiddgar a dadleugar os oes rhaid. Rydym eisiau gwneud datganiad mawr.

Ychwanegodd Rafael Lozano-Hemmer, “Mae’n fraint o’r mwyaf I gael gweithio gyda phobl Cymru, ac Aberteifi yn benodol, ar y prosiect cyffroes yma. Rwy’n edrych ymlaen yn fawr i gael ymdeimlad go iawn o’r safle ac i ddysgu am freuddwydion a dyheadau’r bobl leol. Gall gelf chwarae rhan allweddol i adfywio ardal a’i lewyrch yn y dyfodol. Edrychaf ymlaen hefyd at weithio gyda’r pwyllgor llywio er mwyn cynhyrchu gwaith sydd yn deilwng i’r ardal leol, ac yn medru bod o fudd i Aberteifi ac i Gymru gyfan.”

Meddai Wiard Sterk, Prif Weithredwr Celf Gyhoeddus Cymru a cheidwad y Prosiect Big Art Aberteifi, “Mae penderfyniad dewr pwyllgor llywio Aberteifi i wahodd Rafael Lozano-Hemmer yn ffurfiol i ddatblygu cynnig ar gyfer y comisiwn yn gam mawr ymlaen i’r Prosiect Big Art yn y dref.

“Mae Rafael yn arlunydd mawr iawn ei barch, gydag enw da rhyngwladol. Mae wedi ei gynnwys yn ddiweddar mewn gwyliau sylweddol megis Toronto, Art Basel, a sioe gyfryngol sylweddol newydd yn y MOMA yn Efrog Newydd ac y mae ei enwebiad i gynrychioli Mecsico yn Venice eleni yn sicr o gymorth i ni sicrhau cyhoeddusrwydd cenedlaethol a rhyngwladol i’r prosiect. Fe fydd ei waith yn darparu ymdriniaeth gyfoes, flaengar ac annisgwyl i’r safle yn Aberteifi.”

Mae’r prosiect yn cael ei weithredu ar y cyd rhwng y Big Art Trust a Chelf Gyhoeddus Cymru, gyda chefnogaeth Swyddfa Llywodraeth Québec yn Llundain, ynghyd ac ymglymiad gweithredol Pwyllgor Llywio Aberteifi.

Am ragor o wybodaeth cysylltwch â Rhodri Ellis Owen, Cambrensis Communications Cyf. ar 029 20 257075 neu drwy ebost: rhodri@cambrensis.uk.com