Bydd cyfarfod gyhoeddus i drafod newyddion diweddaraf y prosiect uchelgeisiol Big Art yn cael ei gynnal yn Canolfan Byd Bychan, Aberteifi ar ddydd Mawrth 2 Medi am 8 o’r gloch y nos. Yn bresennol yn y cyfarfod, bydd yr arlunydd a ddewiswyd i greu’r darn celf, Rafael Lozano-Hemmer, curadur y prosiect, Wiard Sterk yn ogystal â budd-deiliaid fydd yn cynnwys y tîm dichonolrwydd technegol. i unrhyw un sydd eisiau postio cwestiwn cyn y cyfarfod ebostio Rhodri@cambrensis.uk.com neu bostio eu sylwadau yma.

Mae’r cyfarfod yn gyfle i gyflwyno darganfyddiadau o’r astudiaethau dichonolrwydd technegol sydd wedi cael eu cyflawni ar yr afon wrth ddefnyddio bwiau prototeip. Er nad oes cyfanswm mawr o’r data wedi cael ei werthuso eto, mae’n ymddangos taw’ y Strand, yn hytrach na Chei’r Tywysog Siarl, ydi’r safle mwyaf addas ac ymarferol ar gyfer y celf gorffenedig yn ôl y darganfyddiadau dechreuol. Mae mwy o brofion i’w cyflawni, ond bydd darganfyddiadau gorffenedig yr ymchwil a’r argymhellion ar y ffordd ymlaen yn cael eu cyflwyno yn y cyfarfod cyhoeddus yn ogystal â sicrhau mandad cyhoeddus.

Dywedodd Wiard Sterk, ‘Mae’r arbrofion ar yr afon Teifi, sydd dal yn mynd ymlaen, yn taflu goleuni newydd ar nifer o faterion yn ymwneud a phethau ymarferol lleoliad y gosodiad celf uchelgeisiol ar y Teifi. Unwaith bod y data wedi cael ei brosesu, fe fydd angen, gyda chaniatâd trigolion Aberteifi, gwneud penderfyniadau pendant.’

‘Os oes rhaid edrych ar gyfaddasrwydd hirdymor y lleoliad Cei’r Tywysog Siarl, yna bydd rhaid i ni wasgu’n dannedd a chyflwyno dewis arall. Gobeithio bod gymaint o bobl yn gallu dod i’r cyfarfod i ganiatáu trafodaeth lawn ac agored am y prosiect cyffrous yma.’

Cynhelir y cyfarfod cyhoeddus nesaf yn Aberteifi ar ddydd Mawrth, Medi 2il. Fe fydd yr union amser a’r lleoliad yn cael ei gyhoeddi dros yr wythnosau nesaf. Gall ymwelwyr sy’n mewngofnodi i’r safle, gael cyfle i ofyn cwestiynau a rhoi sylwadau ar y darn celf arfaethedig cyn y cyfarfod.

Yn bresennol yn y cyfarfod, bydd yr arlunydd a ddewiswyd i greu’r darn celf, Rafael Lozano-Hemmer, curadur y prosiect, Wiard Sterk yn ogystal â budd-ddeiliaid fydd yn cynnwys y tîm dichonolrwydd technegol.

Dywedodd Wiard Sterk, ‘Mae cyfnod asesu dichonolrwydd y safle yn symud ymlaen yn dda, gydag arbrofion yn cael eu cynnal ar yr afon Teifi i asesu’r effaith posib ar fywyd gwyll a pha mor ymarferol fyddai lleoli’r gosodiad celf ar yr afon Teifi. Yn y gorffennol, lleisiodd sawl person eu gofid ac mae’r gofidion yma wedi eu hystyried yn ddifrifol.’

‘Bydd y canlyniadau manwl a ganfu drwy’r astudiaeth dichonolrwydd yn cael eu cyflwyno yn y cyfarfod cyhoeddus ar Medi 2il. Bydd y canlyniadau, fydd yn cynnwys dyluniad manwl, manyleb dechnegol ac asesiad o’r effaith y bydd gosodiad celf o’r fath yn ei gael ar fordwyaeth a bywyd gwyllt yr afon, yn effeithio’n uniongyrchol ar y darn celf a chreu sail i unrhyw benderfyniad a wneir ynghylch a’i osodiad.’

Bydd gwefan newydd ar gyfer popeth sy’n ymwneud a’r Big Art Project yn Aberteifi yn cael ei lansio heddiw, ar ddydd Mawrth, y 1af o Orffennaf. Wedi ei ddylunio gan gwmni lleol Mwldan Creadigol, fe fydd y safle rhyngweithiol, dwyieithog www.cardiganbigart.com / www.celfyddydaberteifi.com yn darparu’r wybodaeth ddiweddaraf am ddatblygiadau Turbulence, y prosiect celf gyhoeddus uchelgeisiol sydd wedi ei glustnodi ar gyfer tref Aberteifi.

Mae’r cynnig a gyflwynwyd gan Rafael Lozano-Hemmer, yn cynnwys clwstwr o 127 bwi yn arnofio ar yr afon, gyda seinyddion, golau LED a sensoriaid fydd yn canfod unrhyw symudiad yn y dŵr. Yna, caiff y bwiau eu hysgogi gan dymestl yn y dŵr, gan ryddhau synau a recordiwyd o flaen llaw (ar y lan neu drwy’r we) fydd yn cael eu clywed o’r lan. Awgrym yr arlunydd, Rafael, yw bod y gwaith i adlewyrchu traddodiadau llafar y Cymry, megis cerdd a chan, gan greu llwyfan chwareus a chyfranogol sydd yn cael ei ysgogi gan gylchdroadau naturiol llanw a thrai.

Dywedodd Wiard Sterk, ar ran y Big Art Project, “Mae llawer o waith yn dal i’w gwblhau cyn y gellir mwynhau ffrwyth llafur y gwaith celf yn Aberteifi. Er hyn, fe fydd y wefan yma’n cynnig ffordd wych o gyfathrebu’r broses o greu’r gwaith celf gyda’r cyhoedd a thrigolion Aberteifi. Rydym am i bawb fod yn ymwybodol o’r holl weithgaredd a sut a phryd mae’n digwydd. Y bwriad yw, cynnwys cymaint o bobl ag sy’n bosib ym mhroses y Big Art Project - a hynny unrhyw adeg yn y dydd, ac o unrhyw le yn y byd, pun ai Rafael yn blogio o’i gartref yng Nghanada neu un o drigolion Aberteifi yn postio cwestiwn iddo.

“Gobeithiwn y daw’r wefan yn fforwm amlwg i nifer o wahanol ddialogau a sgyrsiau ac yn gyfrwng pwysig lle gall bobl ddod yn rhan o’r broses unigryw yma o gomisiynu celf gyhoeddus. Mae Rafael yn gredwr mawr ym mhŵer y rhyngrwyd ac y mae wedi ei ddefnyddio’n helaeth yn ei weithiau blaenorol ac yn debygol hefyd o chwarae rhan blaenllaw yng nghynlyn hir dymor prosicet Turbulence. Mae’n addas felly y defnyddir y rhyngrwyd i hysbysu’r cyhoedd am y prosiect hynod gyffroes sydd ar waith yn Aberteifi.”

Ychwanegodd Sam Vicary, Rheolwr y Prosiect ar ran Mwldan Creadigol, “Dyma’r prosiect celf gyhoeddus gyntaf o’i fath ar gyfer Aberteifi ac rydym yn falch iawn o’n tîm creadigol sydd wedi eu hymgynnull i weithio ar ddatblygu’r wefan. Gwnaethom ddatblygu’r safle i fod mor rhyngweithiol ag sy’n bosib ac mor hawdd i’w ddefnyddio ag sy’n bosib a gobeithiwn y bydd yn codi mwy o ymwybyddiaeth a chynyddu cyfranogiad yn y Big Art Project, ymysg pobl sydd yn rhan o’r broses yn barod a’r bobl hynny nad ydynt wedi clywed am y cynllun o’r blaen, yn lleol ac yn fyd-eang.”

Mae Big Art Project Aberteifi yn ymgorffori cynllun celf gyhoeddus uchelgeisiol gan Channel 4, a gefnogir gan Gyngor Celfyddydau Lloegr, yr asiantaeth genedlaethol i ddatblygu’r celfyddydau, a The Art Fund, elusen gelf annibynnol fwyaf blaenllaw’r Deyrnas Unedig. Cafodd Aberteifi ei enwebu gan y cyhoedd, fel un o saith safle, ochr yn ochr â Beckton, Gogledd Belfast, Burnley, Ynys Mull, Sheffield a St Helens. Dechreuwyd ffilmio yn 2005 ac fe ddarlledir y gyfres deledu sylweddol yma ar Channel 4 ym mis Tachwedd, 2008.

Big Art yn codi ei lais – ond oes gennych chi farn i’w leisio?

Bydd yr arlunydd byd-enwog, Rafael Lozano-Hemmer yn ymweld ag Aberteifi am y trydydd tro, er mwyn trin a thrafod y datblygiadau diweddaraf Big Art Prosiect y dref, mewn cyfarfod cyhoeddus a gynhelir yn neuadd Ysgol Uwchradd Aberteifi ar ddydd Gwener y 29ain o Chwefror am 7 yr hwyr. Bydd y cyfarfod ar agor i bawb ac yn gyfle i unrhyw un sydd â diddordeb yn y prosiect ddysgu mwy am ddatblygiadau diweddaraf y prosiect a thrin a thrafod nifer o faterion a godwyd ynglŷn â lleoliad Cei’r Tywysog Siarl.

Yn ymuno â’r arlunydd dewisedig, fe fydd curadur Big Art Project Aberteifi, Wiard Sterk, yn ogystal â budd-ddeiliaid allweddol, grwpiau rheoleiddio a grwpiau diddordeb sydd yn ymglymedig yn y cynllun uchelgeisiol hwn.

Dywedodd Wiard Sterk, curadur y Big Art Project yn Aberteifi, “Gobeithiaf y caiff cymaint o bobl ag sy’n bosib - boed yn unigolion neu’n aelodau grwpiau diddordeb ategol – eu hysgogi i fynychu neuadd Ysgol Uwchradd Aberteifi ar ddydd Gwener i glywed ein neges, ac i fynegi eu neges hwythau fel y gallwn gydweithio a datrys unrhyw broblem neu bryder er bydd pawb. Mae angen cefnogaeth tref Aberteifi gyfan ar y prosiect ffantastig yma, os yw i weithio, a gwn fod Rafael yn awyddus iawn i glywed cymaint o safbwyntiau gwahanol ag sy’n bosib er mwyn ystyried unrhyw bryderon, cyn penderfynu ar ddyluniad a lleoliad terfynol.”

Mae’r Big Art Project yn Aberteifi yn ymgorffori rhan o gynlluniau comisiynu celf gyhoeddus fwyaf a welwyd yn y Deyrnas Unedig erioed. Cafodd ei sefydlu gan Channel 4, ac fe’i cefnogir gan Gyngor Celfyddydau Lloegr, yr asiantaeth genedlaethol ar gyfer datblygu’r celfyddydau a The Art Fund, elusen gelfyddydol fwyaf blaenllaw’r Deyrnas Unedig. Mae Channel 4 wedi comisiynu Carbon Media/ Princess Productions i gynhyrchu cyfres o raglenni yn dilyn taith y broses ar draws y saith safle arfaethedig ledled y Deyrnas Unedig. Fe ddarlledir y rhaglen ddiwedd y flwyddyn hon - ac am fwy o wybodaeth ewch i’r wefan: www.channel4.com/bigart.

Am fwy o wybodaeth cysylltwch â Rhodri Ellis Owen neu Lleucu Cooke yn Cambrensis ar 029 2025 7075.